Pasahitza ahaztuta?
Erabiltzaile berria?
Guztiak
[01:36:56]
[0]
Ikustaldiak: [11]
Emakumeak eta bertsolaritza
Bertsolariak
Maialen Lujanbio, Uxue Alberdi, Ainhoa Agirreazaldegi
Data
2010/03/03 19:00:00 GMT+1
Lekua
Arrasateko Kulturatea
Martxoaren 8ko Emakumearen Nazioarteko Egunaren inguruan egitarau oparoa antolatu dute Arrasaten eta egitarau horretako ekimenetako bat da hemen ikusgai eta entzungai duzuen hitzaldia. Maialen Lujanbio, Uxue Alberdi eta Ainhoa Agirreazaldegi izan ziren hizlariak. Bizi izan dutenetik eta bizi dutenetik begiratu zuten atzera; eta aurrera begira jarri ziren bertsolaritzan bizi nahi dutenetik.
[42:13]
[0]
Ikustaldiak: [41]
Hudaltzainak Irulegi irratiaren alde
Bertsolariak
Fredi Paia, Arkaitz Estiballes, Etxahun Lekue, Josu Martinez, Txaber Fernandez, Imanol Martinez, Gorka Etxebarria
Data
2010/02/27 21:00:00 GMT+1
Lekua
Izpurako Bentaberri gela
Hudaltzainak taldea Izpuran izan zen Baxe-Nafarroako Irulegi irratiaren alde. Bertsoa eta musika uztartzen ditu talde honek. Musikzipalek (Josu Martinez, Txaber Fernandez, Imanol Martinez eta Gorka Etxebarriak) jotzen dituzten doinu ezagunekin, bertsoak abesten dituzte Bertsotzainek (Fredi Paia, Arkaitz Estiballes eta Etxahun Lekuek). Umoretik asko izan zuen saioak; baina bestelako gaiak ere izan zituzten ahoan.
[19:50]
[0]
Ikustaldiak: [46]
Ermita ondoan bertsotan urtero legez
Bertsolariak
Beñat Gaztelumendi, Andoni Egaña, Unai Gaztelumendi
Data
2010/03/01 12:00:00 GMT+1
Lekua
Donostiako Ibaeta auzoa
Jai eguna zen martxoaren 1a Donostiako Ibaeta auzoan eta urtero legez, bertsolariak izan zituzten eguerdian. Librean aritu ziren Beñat Gaztelumendi, Andoni Egaña eta Unai Gaztelumendi. Saio polita egin zuten elkarri adarra joz.
[39:31]
[0]
Ikustaldiak: [75]
Nafarroako Txapelketako azken finalaurrekoa: Atarrabiako saioa
Bertsolariak
Aimar Karrika, Oier Lakuntza, Jon Barberena, Jon Elizetxe, Eneko Lazkoz, Arkaitz Goikoetxea
Gaijartzailea
Txapelketako gai-jartzaile taldea
Gai-emaileak
Fernando Anbustegi
Ikusleak
330
Data
2010/03/07 17:30:00 GMT+1
Lekua
Atarrabiako Indurain Anaiak kiroldegia
Arkaitz Goikoetxeak irabazi zuen Atarrabian jokatu zen azken finalaurrekoa; beraz, hilaren 20an Lesakan izango den finalerako zuzeneko txartela lortu du. Gainontzeko zazpi finalistak hauexek dira: Eneko Lazkoz, Julio Soto, Xabier Legarreta, Estitxu Arozena, Oskar Estanga, Xabier Terreros eta Julen Zelaieta. Atarrabiako saioari dagokionez, bigarren postuan geratu zen Eneko Lazkoz, hirugarrenean Jon Barberena, laugarrenean Jon Elizetxe, bosgarrenean Oier Lakuntza eta seigarrenean Aimar Karrika. 300 bertsozale baino gehiago elkartu ziren Atarrabiako Indurain Anaiak kiroldegian.
[01:02:46]
[0]
Ikustaldiak: [141]
Bilbo Zaharra Forum:bat-bateko bertsolaritza
Bertsolariak
Maialen Lujanbio, Uxue Alberdi
Ikusleak
120
Data
2010/03/04 19:00:00 GMT+1
Lekua
Bilboko Euskaltzaindiaren egoitza
Maialen Lujanbio eta Uxue Alberdi aritu ziren hizketan bat-bateko bertsolaritzaz Bilbo Zaharra euskaltegiak antolatutako literatura-jardunaldietan. Bapatekotasuna, prestaketa-lana, jendaurrekoa, komunikazioa... hori eta gehiago izan zuten mintzagai 120 entzuleren aurrean. Hemen ikus eta entzun ditzakezue hitzaldiaren hainbat pasarte.
[11:41]
[0]
Ikustaldiak: [33]
Aurrera doa Arabako Kuadrilen arteko Bertso Txapelketa
Bertsolariak
Aniturri taldea, Txor eta Tan taldea, Zalduondoko Gazteak taldea, Bertsogurasoak taldea
Data
2010/02/27
Lekua
Zalduondoko Zeledon Txiki elkartea eta Gasteizko Aizkora taberna
Pasa den asteburuan beste bi saio jokatu dira, bat Gasteizen eta Zalduondon bestea. Gasteizko Aizkora tabernan Aizkorak Zorroztu eta Kakiturri Ehari taldeak lehiatu ziren. Azken horrek irabazi zuen, Felipe Zelaieta, Juan Mari Juaristi eta Gaizka Urtaranek osatzen duen taldeak hain zuzen ere. Aizkorak Zorroztu taldean Irati Anda, Ruben Sanchez eta Ander Sorozabal aritu ziren bertsotan. Zalduondoko Zeledon Txiki elkartean bestalde, Aiara Lautadako Sorginetxe taldea eta Errioxako taldea aritu ziren bertsotan; lehenengoak irabazi zuen. Baina dakizuen bezala, Kuadrilen arteko Bertso-txapelketarekin batera, bertso-sorta kolektiboen txapelketa egiten ari dira. Gasteizko saioan Bertsogurasoak taldeak abestu zituen idatzitako bertsoak; Zalduondon berriz, Aiara Lautadako Aniturri taldea, Zalduondoko Gazteak eta Aguraingo Bertso Eskolako Gurasoak aritu ziren kantuan. Hemen dituzue ikusgai emanaldi horien bideoak.
[26:43]
[1]
Ikustaldiak: [151]
Moskun ere bertsotan
Bertsolariak
Amets Arzallus, Jokin Uranga, Manu Goiogana
Gaijartzailea
Aitor Errazkin
Ikusleak
60
Data
2010/02/27 22:00:00 GMT+1
Lekua
Irungo Hazia taberna
Ez gaizki ulertu, ez ditugu Errusiako Moskun abestutako bertsoak entzungo. Agian han ere izango dira bertsolariak baina gu Moskura joateko ez gara Euskal Herritik irten. Irungo Mosku auzoari buruz ari gara; hango Hazia tabernan bertso-afaria izan zen pasa den larunbatean. Manu Goiogana, Jokin Uranga eta Amets Arzallus bertsokide eta Aitor Errazkin gai-jartzaile, afalondo umoretsu eta beroan.
[44:51]
[1]
Ikustaldiak: [229]
BertShow: bertso-saio musikatua
Bertsolariak
Jon Martin, Iñaki Gurrutxaga, Iñigo Manzisidor “Mantxi”, Jokin Labayen
Gaijartzailea
Egoitz Aizpuru
Ikusleak
50
Data
2010/02/26 22:30:00 GMT+1
Lekua
Pasai-Antxoko Mimos taberna
Ez da lehenengo aldia tankera honetako saioa jartzen dugula Bertsoplazan. Bertso-doinuak musikaz lagunduta, horixe da BertShow. Pasai-Antxoko Mimos tabernan izan zen pasa den ostiralean. Jon Martin, Iñigo Manzisidor “Mantxi”, Iñaki Gurrutxaga eta Jokin Labayen aritu ziren bertsotan; Egoitz Aizpuru gai-jartzaile lanetan; eta beste bi lagun gauari musika jartzen. Horien guztien artean osatu zuten BertShow-a.
[43:56]
[0]
Ikustaldiak: [90]
Legutioko saioa bertso-antzerki eta guzti
Bertsolariak
Manex Agirre, Jexux Mari Irazu, Aitor Mendiluze, Onintza Enbeita
Data
2010/02/26 20:30:00 GMT+1
Lekua
Legutioko kultur-etxea
Pasa den ostiralean izan zen saioa Legutioko kultur-etxean eta han ziren Manex Agirre, Jexux Mari Irazu, Aitor Mendiluze eta Onintza Enbeita. Bertsolariak oholtzara igo aurretik bertso-antzerki bat egin zuten Legutioko bertso-eskolako ikasleek. Saioa bera ere berezia izan zen; ofizioko ariketetan poltsa batetik ateratako paperean jartzen zuen bertsolariek noren ahotik abestu behar zuten.
[58:04]
[0]
Ikustaldiak: [233]
Busturialdeko Hitzaren aldeko bertso-saioa
Bertsolariak
Unai Iturriaga, Sustrai Colina, Aitor Sarriegi, Amets Arzallus, Jon Maia, Aitor Mendiluze
Gaijartzailea
Josu Goikoetxea
Ikusleak
520
Data
2010/02/28 18:00:00 GMT+1
Lekua
Gernikako Jai-Alai pilotalekua
Saio ona izan zen pasa den igandekoa. Gernikako Jai-Alai pilotalekuan ziren Unai Iturriaga, Sustrai Colina, Aitor Sarriegi, Amets Arzallus, Jon Maia eta Aitor Mendiluze; eta Josu Goikoetxea gai-jartzaile lanetan. Gai gehienek zuten ezkutatutako bigarren zentzua eta bigarren zentzu horrekin aritu ziren bertsotan.
